Boneiru i EZK ta traha hunto riba suministro di energía

Dia 12 di aprel, Sekretario General suplente di ministerio di Asuntunan Ekonómiko i Klimat, Gerdine Keijzer-Baldé, a bishitá Boneiru pa diskutí desaroyonan riba tereno di suministro di energía. Durante su bishita, el a papia ku gezaghèber Edison Rijna i miembronan di kabinèt Hennyson Thielman i Jolinda Craane tokante e nesesidat di un almasenamentu sigur di kumbustibel i ekspanshon di energía duradero.

Un tópiko importante di e diskushon tabata e konstrukshon di tankinan nobo pa almasená kumbustibel i garantisá un depósito sigur. E tankinan eksistente ta bieu i tin mester di reemplasá nan. Paralelamente ku e konstrukshon di e tankenan nesesario pa almasená kumbustibel, ta trahando riba ekspanshon di energía duradero. Keijzer-Baldé a bishitá e tereno di Contour Global, unda aktualmente ta konstruí un parke solar nobo. Apart for di panelnan pa genera energía, ta bini tambe un bateria pa almasená e energía aki. Lo por sperá ku e parke solar nobo aki ta kuminsá traha den e luna di september di e aña aki. Además, a diskutí e plan pa ekspanshon i renobashon di e park eóliko aktual.

E invershon pa e depósito nobo di kumbustibel ta wordu hasi dor di Bonaire Brandstof Terminals (BBT), establesé dor di ministerio di EZK. Via BBT, tambe ta wordu invershá den e parke solar nobo i e park eóliko mas grandi pa futuro. Gezaghèber Rijna ta kontentu ku e atenshon ku ta duna pa e desaroyo riba tereno di suministro di energía pa Boneiru. Tur parti ta wak e importansia di ekspanshon i desaroyo di energia duradero pa Boneiru, spesialmente mirando e kresementu di poblashon i e kresiente demanda pa energía.

Terug

Ander nieuws

  • Boneiru i EZK ta traha hunto riba suministro di energía

    Dia 12 di aprel, Sekretario General suplente di ministerio di Asuntunan Ekonómiko i Klimat, Gerdine Keijzer-Baldé, a bishitá Boneiru pa diskutí desaroyonan riba tereno di suministro di energía. Durante su bishita, el a papia...

    Lees meer
  • Kolaborashon entre BBT i Curoil pa un terminal di almasenahe di kombustibel moderno pa Boneiru

    Kralendijk, 13 di yüni 2022 – Bonaire Brandstof Terminals BV (BBT) i Curoil ta bai traha huntu pa desaroyá i realisá un terminal nobo pa kombustibel, ku lo bini pegá ku Aeropuerto Internashonal di...

    Lees meer

Bonaire Brandstof Terminals B.V.
Lange Voorhout 29
2514 EB Den Haag
Nederland

Number di BTW: NL862546989B01   
Number di KvK:  82637490

Bo por tuma kontakto ku BBT via info@bbtbonaire.com