BBT
energia pa Boneiru

Tokante BBT

Bonaire Bon Transition B.V. (BBT) a wordu fundá pa Ministerio di Asuntunan Ekonómiko i Klima (EZK). BBT tin komo enkargo pa sòru ku Boneiru ta disponé di sufisiente energia. Energia pa biba, traha i disfrutá.

BBT ta suministrá energia almasenando kombustibel na un manera seif i kontribuyendo na e transishon pa energia duradero, generá pa solo òf bientu. Dor di redusí dependensia di un fuente di energia so, nos ta mehorá e etabilidat di henter e sistema di energia.

Pa logra esaki, BBT ta traha huntu ku organisashonnan na Boneiru manera Openbaar Lichaam Bonaire (OLB), ContourGlobal, Water- en Energiebedrijf Bonaire (WEB) i Curoil. Huntu nos ta trahando pa un suministro di energia ku no solamente ta sigur i konfiabel, sino ku por krese i bira mas duradero i diverso tambe.

BBT ta sòru pa almasenamentu sigur di kombustibel i ta kontribuí na e transishon pa energía duradero na Boneiru.

Strukturando
e suministro di
kombustibel i
stimulando durabilidat
di produkshon
di energia, BBT ta
sòru pa energia pa
Boneiru.

Foto frame

Nos metanan

Energia pa Boneiru

Nos mishon ta pa asegurá ku Boneiru tin sufisiente energia. Di e forma akí produkshon di koriente i awa pa konsumo por tuma lugá sin interupshon i por move sin muchu esfuerso riba tera, laman i den aire.

Almasenamentu sigur

BBT ta sòru pa suministro i almasenamentu di kombustibel konfiabel i sigur. Nos ta invertí den un terminal moderno ‘state-of-the-art’. Siguridat pa hende, animal i medio ambiente ta nos prioridat máksimo.

Energia duradero

BBT ta invertí den energia duradero riba eskala grandi na Boneiru. Pa kontribuí na e desaroyo, ekspanshon i faktibilidat di energia generá pa bientu i solo, nos ta kontribuí na un futuro di energia mas duradero i diverso pa Boneiru.

Último notisia

  • ENERGIA PA BONEIRU – Boletin di notisia di BBT – mei 2024

    Bon bini na e boletin di mei 2024! Den e edishon aki: Tim di BBT na Boneiru pa bishitá proyekto i impulsá kolaborashon ku partnernan BBT ta bishitá Planta di Tratamentu di Awa di bebe di WEB Lesa henter e boletin den format .PDF aki: Boletin Bonaire...

    Lees meer
  • Kolaborashon pa un suministro di energia sigur i sostenibel na Boneiru

    Djamars 19 di mart, representantenan di diferente organisashon a bini huntu na museo Terramar pa un reunión organisá pa Bonaire Bon Transition (BBT). Entre e presentenan tabata e Gezaghèber di Boneiru i representantenan di...

    Lees meer

Organisashon

Walter Wattenbergh
Walter Wattenbergh ta CEO di BBT. Walter tin mas ku 35 aña di eksperensia den maneho i supervishon di terminalnan di kombustibel. Ku BBT, e tin komo meta kontribuí na un suministrashon di energia konfiabel, sigur i sostenibel na Boneiru. Walter tabata e presidente di Konseho di Komisario di BBT te su nombramentu komo CEO.
Lees meer Lees minder
Cees den Ouden
Cees den Ouden ta CFO na BBT. E tin eksperensia internashonal amplio den maneho finansiero, ku un enfoke riba transformashon i kresementu. Pa medio di desishonnan finansiero estrategiko, BBT por invertí den proyektonan ku ta kontribuí na energia konfiabel i duradero na Boneiru.
Lees meer Lees minder
Douglas van der Veen
Douglas van der Veen ta lider di proyekto di BBT. Douglas ta biba na Kòrsou i ta konosí ku e sektor di energia na Boneiru. E ta un ingeniero kímiko i mekaniko ku eksperensia amplio den sektor di energia, lokalmente, inkluso na Refineria Isla, i internashonalmente ku Shell. Douglas ta desea pa kontribuí na un suministrashon di energia konfiabel i sigur na Boneiru i ta komprondé e importansia sosial grandi di esaki.
Lees meer Lees minder
Bas van de Weijgert
Bas van de Weijgert ta e sekretario kòrporativo i asesor legal di BBT. Komo abogado eksperensiá i konsehero legal di negoshi, Bas ta reforsá e tim ku ekspertisio den asuntunan di gobernashon, konseho legal, i maneho di riesgo. Ademas di su papel na BBT, Bas ta aktivo den un parke grandi di bientu, un operador di ret, i ta sirbi komo miembro di direktiva di e fundashon ‘Zeeuws Klimaat Fonds’.
Lees meer Lees minder
Tur miembronan di tim

FAQ

Di unda e nomber Bonaire Bon Transition ta bin?
Expand Question collapse Question

BBT a wordu fundá na aprel 2021 bou di e nomber ‘Bonaire Brandstof Terminals’ i a kambia su nomber na ‘Bonaire Bon Transition’ na prinsipio di 2024. E kambio aki ta reflehá e kambio di organisashon pa un eskala di aktividat di energía mas amplio na Boneiru. BBT ta keda komprometí na desaroyo di e terminal nobo di kombustibel, i banda di esaki ta kontribuí na e transishon pa energia mas sostenibel i diverso.

Dikon mester renobá e parke di molina di bientu eksistente?
Expand Question collapse Question

Boneiru ta krese rápidamente i tin mas i mas nesesidat di energia. Na mes momentu, e dependensia riba kombustibel fósil mester baha. Por lo tanto, tin mester di pasonan grandi den tereno di generashon di energia duradero. Pa esaki, ta invertí den renobashon i ekspanshon di e parke di molina di bientu.

BBT ta 50% doño di e parke di panel solar, ken mas ta doño?
Expand Question collapse Question

E kompania di energía ContourGlobal tambe ta 50% doño i uniko atministrador di e parke di panel solar.

Kon grandi e terminal di kombusibel ta bira?
Expand Question collapse Question

E terminal nobo lo konsistí di ocho tanki di mas o menos 1000 m3 kada un. Pa komparashon; e tankinan aki ta mas ku 120 biaha mas chikí ku e tankinan di BOPEC. E terminal lo kumplí ku e normanan di seguridat mas haltu i lo wordu situa na mínimo 200 meter fòr di área residensial aktual òf futuro.

Na unda lo konstruí e terminal nobo di kombustibel?
Expand Question collapse Question

Despues di investigashon amplio i konversashon ku instansianan lokal, a skohe e luhá parti sur di e aeropuerto. Na e luhá aki por usa e pir eksistente pa suministrá e tankinan i no ta nesesario pa konstruí den laman di e forma aki evita posibel destrukshon di ‘habitat maritimo’. E lugá aki tambe ta minimalisá transporte di kombustibel riba kaminda publiko, pasobra un parti di e kombustibel ta destiná pa yena avion. E terminal nobo lo reemplasá e tankinan eksistente di BOPEC, aeropuerto i Curoil (na Hato). Sentralisashon ta promové seguridat, efisiensia i kontrol di kosto.

Kiko BBT ta hasi pa redusí dependensia di energia fósil?
Expand Question collapse Question

BBT ta invertí aktivamente den ekspanshon di fuente di energia duradero, manera energia solar i energia di bientu. BBT ta 50% doño di e parke di panel solar i su sistema di bateria i ta preparando pa renobá i ekspandé e parke di molina di bientu. Pa medio di e invershonnan aki nos ta kontribuí na redukshon di dependensia di energia fósil.

Dikon ainda ta invertí den energia fósil?
Expand Question collapse Question

Energia fósil aktualmente ta un parti nesesario di generashon di energia stabil. No tur momentu di aña òf di dia por optené sufisiente energia fòr di solo òf bientu. Tambe, ainda tin mester di kombustibel pa yena outo, boto i avion.

Dikon tin mester di un terminal nobo di kombustibel?
Expand Question collapse Question

E almasenamentu eksistente ta bieuw i pronto no lo kumplí mas ku normanan di seguridat. Esaki ta pone riesgo pa hende, animal, medio ambiente i indirektamente pa e ekonomia lokal pasobra koriente, suministro di awa i transportashon ta dependé di kombustibel.

Bonaire Bon Transition B.V.
Lange Voorhout 29
2514 EB Den Haag
Nederland

Number di BTW: NL862546989B01   
Number di KvK:  82637490

Bo por tuma kontakto ku BBT via info@bbtbonaire.com