Na aprel 2021 a funda Bonaire Brandstof Terminals B.V. (BBT) i e ta 100% propiedat di Estado hulandes. BBT tin komo enkargo pa sòru pa Boneiru ta disponé di sufisiente energia. Energia pa biba, traha i disfrutá.
BBT ta proveé energia, almasenando kombustibel hopi uzá na un manera seif riba e isla i aportando na transishon duradero di suministro di energia na Boneiru. BBT ta sòru pa tin sufisiente kombustibel pa generá elektrisidat, hasi mobilidat posibel na Boneiru i for di Boneiru pa restu di mundu, i pa produsí awa pa konsumo limpi. Un suministro di energia ku no ta solamente konfiabel, pagabel i seif, por ku aweró ta mas i mas duradero tambe.
Na e momentunan aki, suministro di energia na Boneiru no ta sufisientemente bon reglá. E fasilidatnan di almasenamentu eksistente no ta òf no ta disponibel mas (BOPEC) òf no ta kumpli mas ku lei i regulashon (HATO i Airport). BBT mester sòru pa un solushon struktural ku ta kontribuí ku habitante- i bishitantenan di Boneiru por hasi uzo semper di energia konfiabel, pagabel i sigur. Pa biba, traha i disfrutá.
Strukturando
e suministro di
kombustibel i
stimulando durabilidat
di produkshon
di energia, BBT ta
sòru pa energia pa
Boneiru.
BBT ta proveé Boneiru energia, strukturando di manera sigur e almasenamentu i suministro di kombustibel seif, i kontribuyendo na un transishon duradero di e suministro di energia na Boneiru. Di e forma akí produkshon di koriente i awa pa konsumo por tuma lugá sin interupshon i nos por move sin muchu esfuerso riba tera i den aire.
BBT ta sòru pa un almasenamentu di kombustibel konfiabel, pagabel i sigur. Nos ta invertí den terminalnan nobo ‘state-of-the-art’. Siguridat pa hende, medioambiente i animal ta nos prioridat máksimo.
BBT ta mira oportunidat pa generá energia duradero riba eskala grandi na Boneiru. Nos ta investigá huntu ku nos partnernan e posibilidatnan pa kombertí solo i bientu den energia duradero pa Boneiru.
Komunikado di Prensa BBT Bonaire, 7 december 2021 Kralendijk, 7 di desèmber 2021 – Ministerio di Asuntunan Ekonómiko i Klima (EZK) a destiná 10 miyon euro pa yuda agilisá pa e proseso di suministro...
Lees meer
Riba 26 di aprel 2021 a funda Bonaire Brandstof Terminals. E partisipashon estatal, di kua EZK ta 100% akshonista, lo bai remediá pa término largu e situashon preokupante ku suministro di kombustibel na Boneiru...
Lees meer
Walter Wattenbergh ta CEO di BBT. Walter tin mas ku 35 aña di eksperensia den maneho i supervishon di terminalnan di kombustibel. Ku BBT, e tin komo meta kontribuí na un suministrashon di energia konfiabel, sigur i sostenibel na Boneiru. Walter tabata e presidente di Konseho di Komisario di BBT te su nombramentu komo CEO.
Douglas van der Veen ta lider di proyekto di BBT. Douglas ta biba na Kòrsou i ta konosí ku e sektor di energia na Boneiru. E ta un ingeniero kímiko i mekaniko ku eksperensia amplio den sektor di energia, lokalmente, inkluso na Refineria Isla, i internashonalmente ku Shell. Douglas ta desea pa kontribuí na un suministrashon di energia konfiabel i sigur na Boneiru i ta komprondé e importansia sosial grandi di esaki.
Cherethy Kirindongo ta un miembro di Konseho di Komisario di BBT. Cherethy a studia lei na Universidat di Kòrsou i siensianan di negoshi na Universidat Katóliko di Nijmegen. Ela okupá diferente posishon na Banco Maduro & Curiels na Boneiru i tabata direktora di Kámara di Komèrsio di e isla. Aunke aktualmente Cherethy tin un puesto di maneho na Kámara di Komèrsio na Hulanda, e ta keda dediká pa sostené inisiativanan positivo riba i rònt Boneiru.
Weero Koster ta e presidente di Konseho di Komisario di BBT. Ela studia lei na Universidat di Utrecht i na Universidat di Antwerpen. Weero a kuminsá su karera den e mundu di abogasía promé ku spesialisá su mes den lei di energia. El a bira partner na bufetenan di abogado prominente na Hulanda i awendia ta enfoká riba konseho relashoná ku proyektonan di sostenibilidat i finansiamentu ESG.
René Peters ta un otro miembro di Konseho di Komisario di BBT. Ku un bèkgrount den físika apliká i komo direktor komersial di teknologia di gas na TNO, e ta trese un kombinashon di ekspertisia tékniko i komersial. René tambe ta un miembro di Konseho di Ekspertonan den Metrologia pa Ministerio di Asuntunan Ekonómiko i Klima, i di Konseho di Supervishon di World Energy Council. Komo ‘konstruktor di puente’ entre sektornan i diskursonan, René ta deseá pa kontribuí na transishon di energia na Boneiru.
